畫家

家居設計

​

​“ 一個以孩子成長為核心，結合光線、空間與溫度的家。”

​

呢個位於跑馬地嘅住宅單位，設計重點放喺屋主兩位仍然就讀中學嘅女兒身上，希望佢哋可以喺屋企有一個既實用又有趣嘅成長空間。

 

兩姊妹嘅睡房設計成上下床形式，書桌可以分開使用，方便各自溫習同創作。房間入面嘅圓柱特別加入咗雙面設計，一邊係磁石牆，另一邊係白板，令小朋友可以一邊玩、一邊學，增加學習樂趣。

​

單位面積約八百呎，原本空間感較平淡。翻新後，設計師特別加大窗戶比例，令自然光引入更多，室內感覺即時開揚起來。飯廳位置加入水晶玻璃牆作展示用途，既可以掛畫，亦成為空間亮點。

​

客飯廳之間設計了吊燈及鋪上胡桃木的凹位牆身，成為全屋視覺焦點，同時亦提供展示收藏品的實用空間。

​

由於大廈樓齡已有五十年，室內有不少結構樑柱，設計時需配合風水考慮。尤其睡房位置，床位不能放在樑下，因此在傢俬配置上花了不少心思，確保實用與舒適並重。

 

為了令空間更通透，廚房採用開放式設計，兩間睡房之間亦只保留一扇門，方便家人互相照應。單位入口位置簡潔開揚，沒有多餘轉角，令整體空間感更大。

​

另外，主人房與洗衣間的牆身特別開設細長光縫，引入自然光，令整個單位即使在室內都保持明亮舒適。